مدرسة مدينة عيسى الأعدادية للبنات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شرح درس المعادلات الكيميائية ووزنها..

3 مشترك

اذهب الى الأسفل

شرح درس المعادلات الكيميائية ووزنها.. Empty شرح درس المعادلات الكيميائية ووزنها..

مُساهمة  Evil_fairy الجمعة مايو 09, 2008 8:01 am

هاااي
شخباركــمـ؟
يبت لكم شرح درس المعادلات الكيميائيه ووزنها ..


المعادلة الكيميائية..
هي عبارة عن تعبير ( بالرموز) للمواد التي تتفاعل مع بعضها ( الموجودة على يسار السهم) والمواد الناتجة من التفاعل ( الموجودة يمين السهم,,,)

نكتب فوق السهم عادة الشروط الواجب توافرها لحدوث التفاعل ( يعني بدون هذه الشروط لا يحدث التفاعل ( مثل التسخين أو التحليل الكهرباء أو العوامل المساعدة.. الخ)

ملاحظة هامة:
1- الغازات يجب أن تكتب بصورة جزيئية... وهذي الغازات هي:
O2, H2, N2, Cl2, Br2>>>>

يعني لو المعادلة اللفظية كاتبين فيها اكسجين لازم نكتبه بصورة O2 وليس O...

2-لو شفنا في الصيغة الكيميائية لأي مركب إحدى الرموز اللي فوق مو معناتها إن المادة عبارة عن غاز...
مثلا:
CaCl2 هذي المادة غير غازية ( صح فيها Cl2 ) بس لازم تكون بروحهم مو متحدين مع ذرات ثانية...

هذي بالنسبة للمعادلة..
أما بالنسبة لوزنها..

الوزن معناه ان عدد ذرات أي عنصر لازم يكون متساوي في الطرفين ( يمين ويسار السهم)..
يعني ما يصير ذرة وحدة تدخل التفاعل وتطلع ذرتين ( من نفس العنصر)..


قبل لا ناخذ الأمثلة لازم نعرف شلون نحسب عدد الذرات..
دائما نشوف رقمين ( حتى لو ماكانوا مكتوبين بس اهمه موجودين)
الرقم الأول يكون قبل الصيغة وهو عدد الجزيئات
مثال : 3FeCl2
وعدد الجزيئات هو 3.. واذا مو مكتوب شي يعني جزي واحد..
ملاحظة: هذي الرقم (3) حق كل الذرات الموجودة في المركب..
الرقم الثاني هو الرقم المكتوب بعد رمز العنصر وفي المثال السابق:
بعد الكلور في الرقم 2. وبعد الحديد مو مكتوب شي يعني (1) مثل ما قلنه.....

علشان نطلع عدد ذرات أي عنصر لازم ما نستعجل ونحط الرقم اللي بعد الرمز..
يعني في المثال السابق اللي يقول انه عدد ذرات الكلور هو 2 الجواب غلط...

الطريقة الصحيحة هي انك تضرب عدد الجزيئات في الرقد اللي بعد الرمز اللي انت تبيه.
فعدد ذرات الحديد هو ( 3 * 1 = 3 ذرات).
وعدد ذرات الكلور هو ( 3 * 2 = 6 ذرات).. هذي الموضوع وايد مهم علشان نوزن صح...

خطوات الوزن:

1- لازم ما نلمس الأرقام الصغيرة ( اللي بعد الرمز)..
مثلاُ: NaCl نسويها NaCl2
خطأ..
2- ما يصير نخلي الأرقام اللي راح استخدمها في الوزن بين الرموز
مثلا:
Ca2Cl2 هذي خطأ...

3- علشان نوزن المعادلة لازم نغير في عدد الجزيئات ( الرقم اللي يصير قبل الصيغة الكيميائية )
مثلا:
CaCl2 آقدر آسويها 3CaCl2

ولازم في الوزن نتأكد انه عدد ذرات كل العناصر متساوي في الطرفين...

الحين
ناخذ بعض الأمثلة...
حول المعادلات اللفظية إلى معادلات رمزية موزونة...

1-صوديوم + كلور = كلوريد الصوديوم..
الحل:

1- لازم نقرا من اليمين ونحل من اليسار.
Na + Cl2 = NaCl
طبعا كتبنا Cl2 لأنه غاز..
وخطأ انه نستعجل في الحل ونكتب كلوريد الصوديوم NaCl2
لانه غلط ( سووا طريقة تبادل التكافؤات...)

مثل ما نلاحظ:
انه عدد ذرات الصوديوم هو 1 في الطرفين...
لكن عدد ذرات الكلور في المتفاعلات هو 2 ( 1*2)... وفي النواتج 1 ( 1*1)..
يعني لازم نخلي عدد النواتج مثل عدد المتفاعلات..
مثل ما قلنا لازم ما نلمس الأرقام الصغيرة ..
فنحط 2 قبل المركب كله وبتصير المعادلة

Na + Cl2 = 2NaCl
بس يوم حطينه 2.. صار عدد ذرات الصوديوم في النواتج 2 ( 2*1)
وفي المتفاعلات 1
نرجع نحط جدام الصوديوم 2..وبتصير المعادلة:

2Na + Cl2 = 2NaCl

علشان نتأكد من الحل..
عدد ذرات الصوديوم في المتفاعلات 2 ( 2*1) وفي النواتج بعد 2 ( 2*1)
عدد ذرات الكلورفي المتفاعلات 2 ( 1*2) وفي النواتج بعد 2 (2*1)

وفي أمثلة كثيرة في الكتاب لمعادلات موزونة..

حاولوا تشيلون الأرقام ( أو أحد يشيل الأرقام) وانتوا تحلونها...
Evil_fairy
Evil_fairy

المساهمات : 8
تاريخ التسجيل : 08/05/2008
العمر : 32

الرجوع الى أعلى الصفحة اذهب الى الأسفل

شرح درس المعادلات الكيميائية ووزنها.. Empty رد: شرح درس المعادلات الكيميائية ووزنها..

مُساهمة  Lil Dumb Zombie السبت مايو 10, 2008 9:41 am

تسلمييين على المووضووع
واتمنى يستفيدون منه

يعطييج العافيه
Lil Dumb Zombie
Lil Dumb Zombie
Admin
Admin

المساهمات : 103
تاريخ التسجيل : 05/05/2008
العمر : 31

http://isatowngirlsschool.mountada.biz

الرجوع الى أعلى الصفحة اذهب الى الأسفل

شرح درس المعادلات الكيميائية ووزنها.. Empty رد: شرح درس المعادلات الكيميائية ووزنها..

مُساهمة  cute dame الأربعاء مايو 14, 2008 5:02 am

ثااانكس ع الشرح خيتوو Smile
cute dame
cute dame
مراقبه عامه
مراقبه عامه

المساهمات : 134
تاريخ التسجيل : 05/05/2008
العمر : 30

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى